Wed, 14 Nov 2018
22
Tehran

TAGBILARAN CITY, Bohol, Oct. 10 (PIA)-Gipasalig sa Department of Energy (DOE) nga ang kinatibuk-ang banay sa enerhiya wala muondang og paningkamot aron kaluag-luagan ang epekto sa nagsaka nga presyo sa petrolyo lakip na ang lana ug mga produkto gikan niini.

Gipasabot sa DOE nga ang nagsaka nga presyo sa petrolyo dala sa nagpadayong politikanhon ug economic nga mga suliran ang nagduwa, gawas sa Pilipinas, ug halos wala'y mahimo ang goberno niini.

Kini naglakip sa paghawa sa US sa pagpakigtali sa Iran pagpaundang na sa nukleyar ug gisundan pa kini sa pagpatuman sa US sa ekonomikanhong silot sa Iran, ilabi na sa pagpamalit sa Amerika sa lana gikan sa nahisgutan nga nasud.

Gawas pa, ang politikanhon ug ekonomikanhong kawala'y kasegurohan sa Venezuela, ang nasud nga napamatud-ang may labing lapad nga pundo sa lana ug ang usa sa mga labing dako nga oil exporter sa habagatan, nagadugang sa kalisud.

Napun-an pa kini sa ka walay baruganan sa mga nasud nag tigmina sa lana ilabi na sa pagkuha unta sa mas daghan aron mahulipan ang kakuwang nga dala sa mga nagkagubot nga mga nasud nga giminahan sa lana, segun pa sa DOE.

Gani, matod sa DOE pinaagi ni Kalihim Arturo Cusi, sa nagsingabut nga tingtugnaw, mosaka ang panginahanglan sa lana nga sugnod tungod kay manginahanglan na usab og pagpa-init nga mogamit sa koryente nga gipadagan sa lana.

Tungod niini, nanawagan ang DOE sa pagtinabangay.

Bisan sa wala pa magsugod ang pagsaka sa presyo sa lana sa pangkalibutang nga merkado, ang DOE ug ang mga sakop niini, una na nga nangita og paagi nga matabangan ang mga kabus nga walay ikapalit.

Gani, ang mga sakyanang pamasahero-an gipanghatagan na og fuel discounts sa pagpakigsabut sa DOE sa mga nakadaiyang kompanya sa lana.

Gihangyo na usab sa DOE ang Philippine National Oil Company - Exploration Corporation, sa pagpangita og paagi nga maka-angkat ang nasud sa mas barato nga krudo aron kapun-an ang supply ug may mas lapad na nga kapili-an sa mga naa sa sector sa panakyanan.

Ang DOE apil sa inter-agency Pantawid Pasada program uban sa Department of Transportation, nga naghatag og fuel subsidy cards sa mga kwalipekado nga naghupot og prangkisa sa mga panakyanan.

Niini, aghat sa DOE ngadto sa tanan: sagop sa yano apan mas makalahutay nga mga desisyon paingon sa enerhiya nga mas kasaligan.

Apil na niini ang dili pag-usik sa igtutubil ug uban pang tambag-kampanya kabahin sa pagdaginot sa gasolina.

Tininud-on na usab ang kabag-ohan nga naa sa kinabuhi, dugang sa DOE.

Ang pagdaginot sa koryente gikinahanglan gihapon ilabi na sa nagkadako ang panginahanglan sa nasud, pasabot sa DOE.

Yano nga pag-ibut sa saksak sa appliances makatabang na. Dugangan pa sa pagpili sa Light Emitting Diodes isip suga ug makamenos na dayon sa bayranan, aghat sa DOE.

Niadtong 2017, gilusad sa DOE ang E-Power Mo aron gamhan ang mga konsumidor sa tukmang kasayuran kabahin sa energy decisions.

Ang E-Power Mo gani nahimo na nga kalihukan nga mosagop sa isyu nga gihatag sa enerhiya, segun sa DOE. (rahc/PIA-7/Bohol)

Sign up for The Iran News

a daily newsletter full of things to discuss over drinks.and the great thing is that it's on the house!